Nitsa. Mehman Süleymanov-APA-Sport. Azərbaycanlı beynəlxalq dərəcəli şahmatçı Şəhriyar Məmmədyarov Fransanın Nitsa şəhərində keçirilən XVII “Amber” turnirində növbəti görüşünü keçirib. “APA-Sport” agentliyinin məlumatına görə, ukraynalı Vasili İvançukla keçirdiyi hər iki qarşılaşmada məğlub olmayan 23 yaşlı şahmatçımız sonuncu pillədən qurtulmağı bacarıb. Gözü bağlı partiyada rəqibini məğlub edən Ş. Məmmədyarov rapiddə heç-heçə edib. 12 iştirakçı arasında 11-ci olan həmyerlimiz ümumilikdə topladığı 8 xalla yalnız hollandiyalı Lük Van Velini qabaqlayıb. Ş. Məmmədyarov turnirdə sonunu görüşünü bu gün Boris Qelfanda qarşı keçirəcək. Hesabında 8 xal olan israilli şahmatçı həmyerlimizdən bir pillə irəlidədir.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO