Bakı. Aqşin Əliyev - APA-Sport. Azərbaycanın yeniyetmə cüdoçuları Rusiyanın Tver şəhərində keçirilən beynəlxalq turnirdə mübarizə aparıblar. Cüdo Federasiyasının mətbuat xidmətindən “APA-Sport” agentliyinə verilən məlumata görə, yarışda qüvvəsini sınayan 19 idmançımızdan 2-si fəxri kürsüyə yüksəlib. Belə ki, bütün rəqiblərinə qalib gələn Vüqar Şirinli (55 kq) və Fəqan Eminoğlu (60 kq) qızıl medala layiq görülüblər. Bundan başqa, Nurlan Əliyevlə (60 kq) Cəlil Həziyev (66 kq) yalnız 3-cü yer uğrunda görüşdə uduzaraq, 5-ci sırada qərarlaşıblar. Yarışdan sonra cüdoçularımız 3 günlük təlim-məşq toplanışında iştirak ediblər. Məşqçilər Rəşad Məmmədovla Rəşad Həsənovun rəhbərlik etdiyi kollektiv dünən gecə vətənə qayıdıb.

• Paris-2024 medalları dəyişdirilir: Azərbaycan idmançılarına yeniləri veriləcək
• Milli Paralimpiya Komitəsinin 30 illiyi qeyd ediləcək
• Goranboy şəhəri “Gənclər Paytaxtı” seçilib - FOTO
• Azərbaycan Gənclərinin XI Forumunun ikinci günü Xankəndidə davam edib - FOTO
• Ülviyyə Axundova: “Azərbaycan Gənclərinin XI Forumu xüsusi əhəmiyyət daşıyır”