Martini. Elşən Məmmədov-APA-Sport. İsveçrənin Martini şəhərində keçirilən sərbəst güləş üzrə 2008-ci il Pekin Yay Olimpiya Oyunlarına lisenziya xarakterli I təsnifat turnirində bu gün Azərbaycanın daha 3 idmançısı döşək üzərinə çıxıb. «APA-Sport» agentliyinin məlumatına görə, 60 kq çəkidə çıxış edən Zəlimxan Hüseynovun yığmamızda debütü uğurlu alınıb. Mübarizəyə 1/16 final mərhələsindən qoşulan çeçen əsilli Z.Hüseynov ilk qarşılaşmada Malxaz Kurdianini (Gürcüstan) məğlub edib. O, növbəti görüşünü belaruslu Məhəmmədkamil Məhəmmədu ilə keçirib. Pəhləvanımız bu sınaqdan da uğurla çıxıb. ¼ finalda Z.Hüseynovun rəqibi Sanq-Man Park (Cənubi Koreya) olacaq. Digər pəhləvanlarımız Novruz Temrezov (84 kq) və Xetaq Qazyumov (96 kq) isə yarışa 1/16 finaldan başlayıblar. N.Temrezov Ce Hyun No (Cənubi Koreya) ilə üz-üzə gəlib və asan qələbə qazanıb. O, növbəti görüşündə Arpad Ritteri (Macarıstan) də məğlub edib. Avropa çempionatının bürünc mükafatçısı ¼ finalda Roerlandi Zuniqa Herrera (Kuba) ilə qarşılaşacaq. X. Qazyumov isə ilk görüşündə Viktor Boqdanovu (Makedoniya) məğlubiyyətə uğradıb. 1/8 finalda Ruslan Şeyxovu (Belarus) da məğlub edən güləşçimiz növbəti mərhələyə yüksəlib. X.Qazyumov ¼ finalda Nikolay Çterevlə (Bolqarıstan) qarşılaşacaq.

• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı
• AMADA Azərbaycan Ağırlıqqaldırma Federasiyası üçün seminar təşkil edib