Bakı. Elşən Məmmədov - APA-Sport. Azərbaycan Gənclər və İdman Nazirliyinin (AGİN) beynəlxalq əlaqələr şöbəsinin müdiri İlham Mədətov Fransaya gedəcək. AGİN-in mətbuat xidmətindən «APA-Sport» agentliyinə verilən məlumata görə, İ. Mədətov Avropa Şurasının İdman üzrə Genişləndirilmiş Hissəvi Sazişinin İdarəedici Şurasının Strasburq şəhərində növbəti iclasına qatılacaq. Aprelin 21-də başlayacaq toplantıda bir sıra məsələlərlə yanaşı, 2009-cu il üçün iş prioritetləri, Avropa Şurası tərəfindən dekabrın 11-12-də keçiriləcək idmana məsul nazirlərin 11-ci konfransına hazırlıq, idmanda rasizm və diskriminasiya hallarına qarşı mübarizə məsələləri müzakirə olunacaq.
Qeyd edək ki, İ. Mədətov EPAS-ın əsas orqanı olan İdarəedici Şuranın beş büro üzvündən biridir.

• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub