Bakı. Kənan Həsənov – APA-Sport. İspaniyanın San Kristobal de La Laquna şəhərində təşkil olunan beynəlxalq şahmat turniri davam edir. “APA-Sport” agentliyinin məlumatına görə, 17320 avro mükafat fondu olan yarışda ölkəmizi Fransada yaşayan soydaşımız Namiq Quliyev təmsil edir. Reytinqinə görə turnirin 8-ci şahmatçısı olan N.Quliyev ardıcıl beş oyunda qalib gəlib. Bununla da, qrossmeysterimiz maksimum nəticə ilə turnirin vahid liderinə çevrilib. O, bu gün 4,5 xalla ikinci pillədə qərarlaşan Fernando Peralta (Argentina) ilə görüşəcək. 131 idmançının qatıldığı və 9 turdan ibarət turnirin qalibi 3000 avro qazanacaq.

• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı