Vateringen. Elşən Məmmədov-APA-Sport. Hollandiyanın Vateringen şəhərində badminton üzrə beynəlxalq turnirin startı verilib. “APA-Sport” agentliyinin məlumatına görə, 15 min dollar mükafat fonduna malik turnirdə çıxış edən Azərbaycan idmançıları Orxan Qələndərovla Kərim Musayev təsnifat mərhələsini adlaya bilməyiblər. Şəxsi yarışlarda yalnız O.Qələndərov qüvvəsini sınayıb. Lakin o, elə ilk görüşdəcə David Skoliersə (Belçika) 10:21, 9:21 hesabı ilə uduzaraq, mübarizəni dayandırıb. Qoşa mübarizədə O.Qələndərov – K.Musayev cütü təsnifat mərhələsinin ilk qarşılaşmasını dəf edə bilib. Səbəb Metyu Pol – Mat Veller (Almaniya) duetinin həmyerlilərimizlə görüşə çıxmaması olub. Lakin növbəti oyunda badminton cütlüyümüz Filipp Hengen – Robert Mann (Lüksemburq) duetinə uduzaraq, 1/16 final mərhələsinin bir addımlığında çıxışını dayandırıb – 13:21, 11:21.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib