Onun bildirdiyinə görə, Beynəlxalq İdman Atıcılığı Federasiyasının (İSSF) İ.Aşumovanın olimpiadada iştirakına imkan yaratmaması ədalət prinsiplərinə ziddir: “Əlbəttə, bu yarışa birbaşa lisenziya qazanmağımız yaxşı olardı. Ancaq federasiyanın Aşumovaya yox, təkcə mənə “wild-card” verməsi düzgün deyil. Çünki mənim kimi, İradə xanım da lisenziya qazanmayan idmançıların siyahısında zirvədə yer almışdı”. Sidney olimpiadasının qalibi “wild-card” almaq üçün seçim imkanının yaradılmadığını vurğulayıb: “Bizim seçim imkanımız yox idi. Yəni, İSSF rəhbərliyi Azərbaycana ayrılan yeganə “wild-card”ın mənə və ya Aşumovaya təqdim olunması ilə bağlı seçimi özü edib. Sadəcə, rəsmi qərar açıqlanıb və olimpiadaya Azərbaycanın bir stend atıcısının qatılacağı məlum olub”. Yay Olimpiya Oyunlarında uğurlu çıxış edəcəyinə inanan 46 yaşlı idmançı söyləyib ki, Pekinə birbaşa lisenziya qazanmaması ona mənfi təsir göstərməyəcək: “Bununla əlaqədar narahatçılığım yoxdur. Mən Sidney olimpiadasına da “wild-card”la getmişdim. Buna baxmayaraq, qızıl medal qazandım. Eyni uğuru Pekində də təkrarlamaq istəyirəm”.

• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı