Tallin. Elşən Məmmədov-APA-Sport. Estoniyanın paytaxtı Tallində kişilər və qadınlar arasında keçirilən karate üzrə Avropa çempionatı başa çatıb. “APA-Sport” agentliyinin məlumatına görə, yarışda iştirak edən Azərbaycan milli komandası 1 qızıl, 1 gümüş və 1 bürünc medal qazanıb. Qitə birinciliyinin sonuncu günündə komanda kumite yığmamız 3-cü yeri tutub. Tərkibi Rafael Ağayev, Amal Atayev, Ceyhun Ağasıyev, Şahin Atamov, Taleh Babayev, Qurban Tağıyev və Rəşad Hüseynovdan ibarət yığmamız yarımfinalda Rusiyaya məğlub olmasına baxmayaraq, bürünc medal uğrunda döyüşdə Bosniya və Hersoqovinaya qalib gəlib. Qalan iki medalı isə dünya çempionu Rafael Ağayev qazanıb. 25 yaşlı karateçi açıq çəkidə qızıl, 70 kq çəki dərəcəsində isə gümüş medala layiq görülüb.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib