Bakı. Aqşin Əliyev-APA-Sport. Fiziki qüsurlu taekvondoçular arasında ilk dünya çempionatı 2009-cu ildə Azərbaycanda təşkil ediləcək. Bu barədə “APA-Sport” agentliyinə Azərbaycan Taekvondo Federasiyasının I vitse-prezidenti Füzuli Musayev məlumat verib. Onun sözlərinə görə, bu qərar Dünya Taekvondo Federasiyasının Türkiyənin İzmir şəhərində keçirilən Baş Assambleyasının toplantısında qəbul olunub: “Yığıncaqda ölkəmizlə bağlı iki sevindirici qərar çıxarıldı. Beynəlxalq federasiya böyüklər arasında Dünya Kubokunun və paralimpiyaçıların ilk dünya çempionatının təşkilatçılıq hüququnu bizə verdi. Bu yarışlar gələn il paralel şəkildə keçiriləcək”. F.Musayev onu da əlavə edib ki, yarışın konkret tarixi daha sonra müəyyənləşdiriləcək.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib