Vladiqafqaz. Elşən Məmmədov-APA-Sport. Azərbaycanın sərbəst güləşçiləri Novruz Temrezov və Xetaq Qazyumov milli komandanın Rusiyanın Mahaçqala şəhərində keçirdiyi təlim-məşq toplantısından ayrı düşüblər. Bu haqda “APA-Sport” agentliyinə Güləş Federasiyasının rəsmisi Mətləb Abdullayev məlumat verib. Onun sözlərinə görə, 2008-ci il Pekin Yay Olimpiya Oyunlarına lisenziyanı təmin etmiş hər iki güləşçimiz Vladiqafqaz şəhərinə yollanıblar. Onlar Osetiya güləşçiləri ilə birgə hazırlıq prosesi keçəcəklər. Milliyyətcə qaraçay-çərkəz N.Temrezovla (84 kq) osetin X.Qazyumov (96 kq) sabah Mahaçqalada start götürəcək dağıstanlı güləşçi Əli Əliyevin xatirəsinə beynəlxalq turnirə də çıxış etməyəcəklər.
Qeyd edək ki, millimizin növbəti toplanışı mayın 17-dən 30-dək Vladiqafqazda olacaq.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib