Bakı. Kənan Həsənov - APA-Sport. Bir günlük fasilədən sonra Bolqarıstanın paytaxtı Sofiyada keçirilən şahmat üzrə “M-Tel Masters” superturnirinin ikinci dövrəsi start götürüb. “APA-Sport” agentliyinin məlumatına görə, VI turda Azərbaycan qrossmeysteri Teymur Rəcəbov start matçında uduzduğu Vasili İvançukla qarşılaşıb. Öncə keçirdiyi bütün görüşlərdə qalib gələn ukraynalı qara fiqurlarla oynayan həmyerlimizin müqavimətini qıra bilməyib və tərəflər yarım xalla kifayətləniblər. Bu, 21 yaşlı şahmatçımızın ardıcıl beşinci heç-heçəsi olub. Digər görüşlərdə Veselin Topalov (Bolqarıstan) Levon Aronyana (Ermənistan), İvan Çeparinov (Bolqarıstan) Bu Xianqziyə (Çin) qalib gəlib. VI turdan sonra turnir cədvəlinə 5,5 xalla V.İvançuk başçılıq edir. V.Topalov 4,5, İ.Çeparinov 3, T.Rəcəbov 2,5, L.Aronyan 1,5, B.Xianqzi 1 xal toplayıb. Bu gün VII tur çərçivəsində V.İvançuk – V.Toplaov, T.Rəcəbov – B.Xianqzi, İ.Çeparinov - L.Aronyan oyunları keçiriləcək.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib