Bakı. Kənan Həsənov - APA-Sport. Bolqarıstanın paytaxtı Sofiyada təşkil olunan şahmat üzrə “M-Tel Masters” superturnirində VII turun oyunları keçirilib. “APA-Sport” agentliyinin məlumatına görə, ardıcıl altı oyunda qələbə qazana bilməyən Teymur Rəcəbov tilsimi sındırıb. 21 yaşlı beynəlxalq qrossmeysterimiz ağ fiqurlarla turnirin autsayderi Bu Xianqzini (Çin) məğlub edib. Digər görüşlərdə Veselin Topalov (Bolqarıstan) Vasili İvançukla (Ukrayna), Levon Aronyan (Ermənistan) İvan Çeparinovla (Bolqarıstan) heç-heçə oynayıb. Hesabat turundan sonra turnir cədvəlinə 6 xalla V.İvançuk başçılıq edir. V.Topalov 5, İ.Çeparinovla T.Rəcəbov 3,5, L.Aronyan 2, B.Xianqzi 1 xal toplayıb.
Bu gün VIII tur çərçivəsində B.Xianqzi - V.İvançuk, V.Toplaov – İ.Çeparinov, L.Aronyan - T.Rəcəbov oyunları keçiriləcək.

• “Sıfırı bir etdim” sənədli filminin təqdimatı keçirilib
• Formula 1-in 2027-ci il təqvimi: Azərbaycan Qran-prisinin tarixi bəlli oldu
• Surfkastinq üzrə ölkə çempionatı keçiriləcək
• Yelkən idmanı üzrə açıq Azərbaycan çempionatı başa çatıb
• Azərbaycan komandası Avropa Açıq üzgüçülük yarışında estafetdə birinci olub