Bakı. Elşən Məmmədov-APA-Sport. Gürcüstan idmançısı Dato Cavaxiya Bakıda keçirilən K-1 üzrə Azərbaycanın açıq çempionatının ikinci mərhələsinin qalibi olub. Bu haqda “APA-Sport” agentliyinə K-1 döyüşlər şəbəkəsinin ölkəmizdəki nümayəndəsi Azər Həsənsoy məlumat verib. Onun sözlərinə görə, İctimai Televiziyanın çəkiliş meydançasında baş tutan yarışın finalında D.Cavaxiya həmyerlimiz İlkin Şirinovu məğlubiyyətə uğradıb. 70 kq çəki dərəcəsində keçirilən döyüşlərə ümumilikdə 8 idmançı qatılıb. Nahid Əsədov (75 kq) isə D-8 versiyasında Azərbaycan kəmərinin müdafiəsi uğrunda döyüşdə Rza Əmiraslanovu yenib.
Qeyd edək ki, ümumilikdə ölkə çempionatı 4 mərhələdən ibarət olub. İlkin mərhələnin qalibi Pərviz Abdullayev olub. Növbəti raundlar iyun və iyul aylarında təşkil ediləcək. Bütün mərhələlərin qalibləri isə sentyabrda finalda üz-üzə gələcəklər.

• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib
• AMADA nümayəndələri beynəlxalq vebinarda iştirak ediblər
• Azərbaycanın kamandan oxatma üzrə qadınlardan ibarət yığması Asiya Kubokunda qızıl medal qazanıb
• Süleyman İsmayılzadə və Məryəm Cavadova Dakar-2026-da Azərbaycanın bayraqdarları olacaq