Xasavyurt. Elşən Məmmədov-APA-Sport. Azərbaycanın gənc sərbəst güləşçiləri Rusiyanın Xasavyurt şəhərində başa çatan beynəlxalq turnirdə çıxış ediblər. Millimizin baş məşqçisi Arif Abdullayevin “APA-Sport” agentliyinə verdiyi məlumata görə, pəhləvanlarımız vətənə 1 qızıl, 2 bürünc medalla qayıdıblar. Təmsilçilərimizdən fəxri kürsünün ən yüksək pilləsinə Sənan Bağırov (120 kq) qalxıb. Əslində, S.Bağırov turnirdə 96 kq çəkidə sınaqdan çıxarılmalı olub. Lakin həmin çəkidə pəhləvanların sayı az olduğundan, onların hamısı ən ağır çəkiyə keçiriliblər. Bürünc medallara isə Orxan Nəsirov (50 kq) və Azad Mirzəyev (120 kq) sahib çıxıblar. I yeri tutan idmançımız 1000 dollar, televizor və DVD-pleyerlə, III yerin sahibləri isə hərəyə 300 dollar və DVD-pleyerlə mükafatlandırılıblar.

• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib
• AMADA nümayəndələri beynəlxalq vebinarda iştirak ediblər
• Azərbaycanın kamandan oxatma üzrə qadınlardan ibarət yığması Asiya Kubokunda qızıl medal qazanıb
• Süleyman İsmayılzadə və Məryəm Cavadova Dakar-2026-da Azərbaycanın bayraqdarları olacaq