Bakı. Aqşin Əliyev - APA-Sport. Futzal üzrə Azərbaycan milli komandası Portuqaliyanın Alqavra şəhərində keçiriləcək beynəlxalq turnirə dəvət alıb. Bu haqda “APA-Sport” agentliyinə AFFA-nın futzal komitəsinin sədri Habil Qurbanov məlumat verib. Onun sözlərinə görə, Portuqaliya Futbol Federasiyasının bununla bağlı AFFA-ya göndərdiyi təklif müsbət cavablandırılıb: “Yarışda iştirak edəcək komandaların sayı, eləcə də reqlament barədə bizə yaxın günlərdə məlumat göndəriləcək. İstənilən halda, yığmamızın qarşıdakı turnirə dəvət alması futzalımızın yüksək səviyyəsindən xəbər verir. Çünki Portuqaliya kimi futzalı inkişaf etmiş ölkələrdə təşkil olunan turnirlərə bir qayda olaraq, sanballı rəqiblər çağırılır”. Alqavradakı yarış 1-7 iyul aralığında keçiriləcək.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib