Bakı. Aqşin Əliyev - APA-Sport. Futzal üzrə XIV Azərbaycan kuboku uğrunda yarışın yarımfinalına yüksələn daha iki klub müəyyənləşib. “APA-Sport” agentliyinin məlumatına görə, “Qarabağ veteranları” və TT vaxtından əvvəl növbəti mərhələyə vəsiqəni təmin ediblər. A qrupunda yer alan bu klublar ikinci turda müvafiq olaraq, “Karasu” (11:3) və “Ekol” (7:2) üzərində qələbə qazanıblar. Yekun turnir cədvəli sabah keçiriləcək axırıncı turdan sonra bilinəcək.
Bu gün B qrupu çərçivəsində “Araz” - “İnteqral” və “Sumqayıt” – “Olimp” qarşılaşmaları keçiriləcək. Bu qrupdan dördqat ölkə çempionu “Araz”ın yarımfinalda mübarizə aparacağı dəqiqdir. Reqlamentə əsasən, mayın 27-nə təyin edilən yarımfinallarda A qrupunun lideri digər qrupun ikincisi, B qrupunun qalibi isə digər qrupda ikinci pillədə qərarlaşan kollektivlə görüşəcək. Ölkə kubokunun həlledici matçı mayın 29-da olacaq.

A qrupu

	Klub	o	q	h	m	t	x
1	Araz	2	2	0	0	13-5	6
2	Sumqayıt	2	1	0	1	17-6	3
3	Olimp	2	1	0	1	13-11	3
4	İnteqral	2	0	0	2	4-25	0

B qrupu

	Klub	o	q	h	m	t	x
1	Qarabağ vet.	2	2	0	0	15-4	6
2	TT	2	2	0	0	16-6	6
3	Ekol	2	0	0	2	3-11	0
4	Karasu	2	0	0	2	7-20	0

• Azərbaycan idmançıları Gimnaziada üçün yola düşdü
• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib