Bakı. Elbrus Seyfullayev - APA. Azərbaycan Avropa Şurasının Nazirlər Komitəsinin İdman haqqında genişləndirilmiş hüquqlu sazişinin Əsasnaməsini qəbul edəcək. APA-nın məlumatına görə, bu barədə məsələ Milli Məclisin Sosial siyasət məsələləri daimi komissiyasının bugünkü iclasında müzakirə olunub. Komissiyanın üzvü Eyvaz Qurbanov deyib ki, sözügedən Əsasnamə aidiyyəti olan bütün tərəflərlə əməkdaşlıq və dialoq şəraitində, müasir cəmiyyətdə idmanın əhəmiyyətini əks etdirərək idman siyasəti strategiyalarını tətbiq və müasir standartları təsis etmə məsələlərini müəyyən edəcək. Deputatın sözlərinə görə, sazişi imzalayan ölkələrdə Avropa İdman Xartiyasına və İdman Etikası Məcəlləsinə hansı səviyyədə riayət olunmasına nəzarət ediləcək: “Bu sazişin təsdiq olunmasına tərəfdar çıxan 16 ölkədən biri də Azərbaycandır”.
Müzakirələrdən sonra sözügedən sənəd parlamentə tövsiyə olunub.

• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib
• AMADA nümayəndələri beynəlxalq vebinarda iştirak ediblər
• Azərbaycanın kamandan oxatma üzrə qadınlardan ibarət yığması Asiya Kubokunda qızıl medal qazanıb
• Süleyman İsmayılzadə və Məryəm Cavadova Dakar-2026-da Azərbaycanın bayraqdarları olacaq