Bakı. Elbrus Seyfullayev - APA. Azərbaycanda “Paraolimpiya haqqında” qanun qəbul ediləcək. APA-nın məlumatına görə, bu barədə Milli Məclisin Sosial siyasət məsələləri daimi komissiyasının sədri Hadı Rəcəbli bildirib. Komissiya sədri əlillərin cəmiyyətdə özlərini normal vətəndaş kimi hiss etməsi üçün bu qanunun qəbulunu vacib sayır. Onun sözlərinə görə, sözügedən qanun layihəsi üzərində iş gedir və yaxın günlərdə sənəd komissiyada müzakirə oluna bilər. H. Rəcəbli deyib ki, “Paraolimpiya haqqında” qanun qəbul edildikdən sonra əlil idmançıların sosial müdafiəsi daha da güclənəcək.

• “Sıfırı bir etdim” sənədli filminin təqdimatı keçirilib
• Formula 1-in 2027-ci il təqvimi: Azərbaycan Qran-prisinin tarixi bəlli oldu
• Surfkastinq üzrə ölkə çempionatı keçiriləcək
• Yelkən idmanı üzrə açıq Azərbaycan çempionatı başa çatıb
• Azərbaycan komandası Avropa Açıq üzgüçülük yarışında estafetdə birinci olub