Bakı. Elşən Məmmədov-APA-Sport. Azərbaycanın karate hakimləri beynəlxalq dərəcə almaq üçün ilk dəfə imtahan verəcəklər. Bu haqda “APA-Sport” agentliyinə məlumat verən Azərbaycan Karate Federasiyasının prezidenti Yaşar Bəşirovun sözlərinə görə, Yusif Məmmədov, Cahangir Babayev və Anar Allahverdiyev iyunun 10-da Sloveniyanın Maribor şəhərində başlanacaq seminara qatılacaqlar. Dörd gün davam edəcək seminarın sonunda hakimlər imtahan verəcəklər. Sınaqdan uğurla çıxan ədalət təmsilçilərinə beynəlxalq dərəcələr təqdim olunacaq. Y.Bəşirov qarşıdakı seminara ciddi yanaşdıqlarını bildirib: “İndiyədək Avropa Karate Federasiyası Hakimlər Komissiyasının rəhbəri Tomasa Minini iki dəfə ölkəmizə dəvət etmişik. O, hakimlərimizə nəzəri-praktiki məşğələlər keçib. Çox istərdik ki, güclü idmançılarımız kimi, ölkəmizi beynəlxalq yarışlarda uğurla təmsil edəcək hakimlərimiz də olsun. Çünki bu halda karateçilərimizə qarşı edilən haqsızlıqların qarşısını qismən ala bilərik”.
Qeyd edək ki, Azərbaycanda beynəlxalq dərəcəli karate hakimi yoxdur.

• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib
• AMADA nümayəndələri beynəlxalq vebinarda iştirak ediblər
• Azərbaycanın kamandan oxatma üzrə qadınlardan ibarət yığması Asiya Kubokunda qızıl medal qazanıb
• Süleyman İsmayılzadə və Məryəm Cavadova Dakar-2026-da Azərbaycanın bayraqdarları olacaq