Bakı. Elşən Məmmədov-APA-Sport. Azərbaycanın akademik avarçəkmə üzrə milli komandası tarixində ilk dəfə olimpiya təsnifat turnirində mübarizə aparacaq. “APA-Sport” agentliyinin məlumatına görə, bu məqsədlə avarçəkənlərimiz Polşanın Poznan şəhərində keçiriləcək Dünya Kubokuna qatılacaqlar. İyunun 15-dən 22-dək baş tutacaq reqatada beş idmançımızın iştirakı nəzərdə tutulub. Onlar bir və iki nəfərlik qayıqlarda yarışacaqlar. Hazırda Ukraynanın paytaxtı Kiyevdə olan 18 yaşlılardan ibarət yığmamız bu həftə sonu “Kiyev reqatası”nda qüvvəsini sınayacaq. Komandamız vətənə döndükdən sonra Pekin Yay Olimpiya Oyunlarına lisenziya xarakterli Dünya Kubokuna yollanacaq heyət müəyyənləşəcək.

• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib
• AMADA nümayəndələri beynəlxalq vebinarda iştirak ediblər
• Azərbaycanın kamandan oxatma üzrə qadınlardan ibarət yığması Asiya Kubokunda qızıl medal qazanıb
• Süleyman İsmayılzadə və Məryəm Cavadova Dakar-2026-da Azərbaycanın bayraqdarları olacaq