Belə ki, Azərbaycanın ən titullu atleti 25 aylıq fasilədən sonra rəsmən turnirdə mübarizə aparacaq. N.Paşayev 2006-cı ilin aprelində Polşanın Vladislavovo şəhərində keçirilmiş Avropa çempionatında qadağan olunmuş dərman preparatı qəbul etməkdə günahkar bilinərək, Beynəlxalq Ağırlıqqaldırma Federasiyası tərəfindən ikiillik cəzalandırılmışdı. Bu müddət ərzində bütün daxili və beynəlxalq yarışlardan kənarda qalan 26 yaşlı idmançının cəza müddəti bu il mayın 6-da başa çatıb. Təqvimə əsasən, N.Paşayev “Federasiya kuboku”nda mayın 25-də çıxış edəcək. Yarışın ilk günündə isə yeniyetmələrin mübarizəsində qaliblər bilinəcək. Paytaxtın idman klubları və cəmiyyətlərinin, həmçinin, rayon komandalarının gənc atletləri mayın 24-də öz bacarıqlarını nümayiş etdirəcəklər. “Federasiya kuboku”nun daha bir əhəmiyyəti isə ondan ibarətdir ki, məhz bu turnirin ardından baş məşqçi Vahid Nəzərov Pekin Yay Olimpiya Oyunlarına aparılacaq 5 idmançının adını açıqlayacaq.

• Azərbaycan idmançıları Gimnaziada üçün yola düşdü
• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib