Rustavi. Elşən Məmmədov-APA-Sport. Gürcüstanın Rustavi şəhərində dünya çempionu Temo Kazaraşvilinin şərəfinə yeniyetmə yunan-Roma güləşçiləri arasında keçirilən beynəlxalq turnirə yekun vurulub. Yarışda Azərbaycanı yığma komandamızla yanaşı, Respublika Olimpiya İdman Liseyinin pəhləvanları da təmsil ediblər. Bu haqda “APA-Sport” agentliyinə millimizin baş məşqçisi Rəşad Rəşidov məlumat verib. Onun sözlərinə görə, güləşçilərimiz turnirdən 2 qızıl və 1 bürünc medalla qayıdıblar. Qızıl medalları Orxan Cabbarlı (50 kq) və Orxan Paşayev (58 kq) qazanıb. Bürünc medala isə Sərxan Məmmədov (50 kq) sahib çıxıb. R.Rəşidov turnirin xeyli aşağı səviyyədə təşkil edildiyini bildirib: “Beynəlxalq Güləş Federasiyasının nümayəndəsi milliyyətcə erməni idi. Gürcüstan və Ermənistan hakimləri bir-biriləri ilə əlbir işləyərək, güləşçilərimizi sıxışdırırdılar. Bundan başqa nümayəndə heyətimizə qalmaq üçün bazarın yanında həyətində toyuq-cücə saxlanılan şəxsi evi təklif etmişdilər. Hansı ki, orada bir otaqda 9 çarpayı qoyulmuşdu. Deyirdilər ki, Ermənistan güləşçiləri ilə birgə qalmamağımız üçün belə edirlər. Biz onların hərəkətini özümüzə qarşı böyük hörmətsizlik kimi qəbul etdik. Biz gürcüstanlılara qarşı daim qonaqpərvərlik göstərmişik. Əvəzində onlardan çox pis münasibət gördük”.

• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib
• Məktəblilərin Respublika İdman Olimpiadasına start verilir
• Azərbaycanın trek velosipedi millisi beynəlxalq yarışlarda mübarizə aparacaq