Bakı. Aqşin Əliyev - APA-Sport. Azərbaycan futzal yığmasının üzvü Vitali Borisov Rusiya çempionatındakı qollarının sayını 5-ə çatdırıb. “APA-Sport” agentliyinin məlumatına görə, icarə əsasında Moskvanın “Dina” klubunda oynayan 26 yaşlı futzalçı XXIV tur çərçivəsində “Norilski nikel”ə qarşı ikinci matçda fərqlənib. Həmyerlimiz ilk görüşdə olduğu kimi, bu dəfə də “Norilski nikel”in qapısına bir qol vurub. O, oyunun sonuncu saniyələrində rəqib komandanın qapısına dəqiq zərbə endirərək, yekun hesabı müəyyənləşdirib - 8:4. 46 oyundan 67 xal toplayan paytaxt klubu hazırda turnir cədvəlinin 6-cı pilləsində qərarlaşıb. Moskvalılar axırıncı turda, iyunun 7-8-də “Lipetsk” komandası ilə iki oyun keçirəcəklər.
Qeyd edək ki, transfer hüquqları “Araz”a məxsus olan V.Borisov 15 oyunda 5 dəfə fərqlənməklə, “Dina”nın ən məhsuldar oyunçuları siyahısında 7-ci yerdədir.

• Azərbaycan idmançıları Gimnaziada üçün yola düşdü
• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib