Bakı. Kənan Həsənov - APA-Sport. Beynəlxalq Qılıncoynatma Federasiyası bir neçə gün əvvəl keçirilən yarışların yekununa əsasən yeni reytinq cədvəlini açıqlayıb. “APA-Sport” agentliyinin məlumatına görə, siyahıda yer alan Azərbaycanın sablya üzrə milli komandasının dörd üzvündən ən yaxşı göstərici Janna Muradqızına məxsusdur. Əvvəlki siyahı ilə müqayisədə 10 pillə geriləyən komandamızın rusiyalı legioneri 18 xalla 93-cü sırada qərarlaşıb. Pekin Olimpiadasına yollanmağa namizəd Səbinə Əmrahzadə (16 xal) isə 104-cü pillədəki mövqeyini qoruyub. Qırx pillə geriləyən Sevil Bünyatova (6 xal) 169-cu, cəmi bir pillə yüksələn Aidə Ələsgərova (4 xal) 186-cı olub. Mayda keçirilən bir neçə nüfuzlu yarışa qatılmayan milli komandamızın hesabından isə 41 xal silinib. Buna baxmayaraq, komandamız 107 xalla 33 yığmanın sıralamasında 15-ci pillədəki yerini qoruyub.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib