Bakı. Aqşin Əliyev - APA-Sport. Slovakiyanın Preşov şəhərində 16 yaşadək eşitmə qüsurlu futzalçılar arasında beynəlxalq turnir təşkil olunacaq. “APA-Sport” agentliyinin məlumatına görə, yarışa Azərbaycan milli komandası da dəvət olunub. Hazırda yeniyetmə futzalçılarımız baş məşqçi Elşad Hüseynovun rəhbərliyi altında qarşıdakı turnirə hazırlaşırlar. İyunun 22-də start götürəcək ənənəvi yarışın reqlamenti tam müəyyənləşməyib. Yığmamızın rəqibləri püşkatma nəticəsində məlum olacaq. Turnir zamanı Azərbaycan nümayəndə heyətinə Gənclər və İdman Nazirliyinin futbol sektorunun müdiri Nüvər Xasıyev başçılıq edəcək.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək