Bakı - APA-Sport. Türkiyə futbol yığmasının iyunun 7-də Portuqaliya ilə keçirəcəyi Avropa çempionatının qrup mərhələsinin oyunu üçün start heyəti müəyyənləşib. «APA-Sport» agentliyinin Türkiyə mətbuatına istinadən verdiyi məlumata görə, Bakı vaxtı ilə saat 23:45-də başlanacaq A qrupunun qarşılaşmasına «ay-ulduzlular» 4-2-3-1 taktiki düzülüşü ilə çıxacaqlar. Baş məşqçi Fatih Terim qapıçı kimi Volkan Dəmirələ şans verəcək. Müdafiədə Səbri Sarıoğlu, Gökhan Zan, Sərvət Çətin və Hakan Balta yer alacaq. Mehmet Aurelio və Əmrə Belözoğlu dayaq, Mövlud Ərdinc, Həmid Altıntop, və Tuncay Şanlı isə hücumameylli yarımmüdafiəçilər qismində çıxış edəcəklər. Nihat Kahveçi isə yeganə hücumçu olacaq. Yüngül zədəli T.Şanlının Arda Turanla əvəzlənmə variantı da nəzərdən keçirilir.
Qeyd edək ki, A qrupunda yer alan Türkiyə millisi Portuqaliya ilə yanaşı, İsveçrə və Çexiyaya da rəqib olacaq.

• Azərbaycan idmançıları Gimnaziada üçün yola düşdü
• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib