Bakı. Aqşin Əliyev - APA-Sport. Cüdo üzrə Azərbaycan yığmasının üzvü Ramilə Usubovanın səhhətində problem yaranıb. “APA-Sport” agentliyinin məlumatına görə, gənc idmançı boğaz nahiyəsindəki ağrılardan əziyyət çəkir. Son vaxtlar sağlıq durumu daha da pisləşən R.Usubova cərrahiyyə əməliyyatı olunmalıdır. O, sabah Rusiyanın paytaxtı Moskvada cərrah stoluna çıxacaq. Buna görə R.Usubova müəyyən müddət milli komandadan kənarda qalacaq və qarşıdakı iki təlim-məşq toplanışında iştirak etməyəcək. Buna baxmayaraq, əməliyyat onun karyerasını davam etdirməsinə əngəl törətməyəcək. Həkimlər cüdoçunun bir aydan sonra məşqlərə başlaya biləcəyi barədə rəy veriblər.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək