Bakı. Kənan Həsənov - APA-Sport. İyulun 5-də İtaliyanın Venetsiya şəhərində start götürəcək həndbol üzrə tələbələr arasında XIX dünya çempionatına qatılacaq ölkələrin siyahısı müəyyənləşib. “APA-Sport” agentliyinin məlumatına görə, qadınlar arasında ukraynalı mütəxəssis Georgi Voronovun başçılıq etdiyi milli komandamız da mübarizə aparacaq. Dünya çempionatında, həmçinin Belarus, Braziliya, Çin, Çexiya, Macarıstan, İtaliya, Yaponiya, Latviya, Polşa, Rumıniya, Rusiya, Serbiya, Türkiyə və Ukrayna yığmaları iştirak edəcəklər. Kişilərin birinciliyində isə 17 komandanın iştirakı təsdiqlənib. Yarışın mükafatları uğrunda Hikmət Abdullayevin rəhbərlik etdiyi milli komandamızla yanaşı, Avstraliya, Avstriya, Belarus, Kipr, Çexiya, Gürcüstan, Macarıstan, İtaliya, Yaponiya, Litva, Polşa, Rusiya, Serbiya, Türkiyə, Meksika və Ukrayna mübarizə aparacaq. İyulun 13-də başa çatacaq dünya çempionatının püşkü yarışın startına bir neçə gün qalmış atılacaq.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək