Bakı. Kənan Həsənov - APA-Sport. Azərbaycan qılıncoynadanı Səbinə Əmrahzadənin Pekin Yay Olimpiya Oyunlarında iştirak edib-etməyəcəyi iyunun 23-də bəlli olacaq. Bu haqda “APA-Sport” agentliyinə Qılıncoynatma Federasiyasının vitse-prezidenti Yaşar Məmmədov məlumat verib. Onun sözlərinə görə, bu məsələ Beynəlxalq Qılıncoynatma Federasiyasının (FİE) İsveçrənin Lozanna şəhərində keçiriləcək toplantısında müzakirəyə çıxarılacaq. FİE-nin Milli Olimpiya Komitəsinin müraciəti əsasında, dünya reytinq sıralamasında 108-ci yeri tutan S.Əmrahzadəyə güzəştli kart verəcəyi gözlənilir.
Qeyd edək ki, öncə bu məsələyə iyunun əvvəlində baxılacağı nəzərdə tutulmuşdu.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib