Bakı. Vüqar Xeyrullayev – APA-Sport. “İspaniya yığmasının məşqçilər korpusu rəqibi kifayət qədər öyrənə bilib. Mən Rusiya ilə start oyunu ərəfəsində tam arxayınam. Futbolçularımın qələbə üçün hər şey edəcəyinə şübhə etmirəm”. “APA-Sport” agentliyinin məlumatına görə, bu fikirləri İspaniya milli komandasının baş məşqçisi Luis Araqones deyib. İyunun 10-u Bakı vaxtı ilə saat 21.00-da Rusiya ilə matça çıxacaq pireneylilər rəqibdən ehtiyatlansa da, özlərinə əmindirlər: “Etiraf edim ki, rusiyalıların oyun üslubu bizim üçün münasib deyil. Bir qrup sürətli futbolçusu olan rəqib ani olaraq əks hücuma keçməyi bacarır. Belə turnirdə ilk oyunu heç vaxt uduzmaq olmaz. Bu haqda düşünməyə də dəyməz. David Vilya tam hazır olsa, iki hücumçu ilə mübarizə aparacağıq”. Qeyd edək ki, oyunda İspaniya yığmasının və “Valensiya”nın zədəsini yeni sağaldan futbolçusu ilə “Liverpul”un hücumçusu Fernando Torresin tandem təşkil etməsi gözlənilir.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib