Bakı. Mehman Süleymanov – APA-Sport. Azərbaycan futzal yığmasının üzvü Vitali Borisovun çıxış etdiyi Rusiyanın “Dina” klubu növbəti qələbəsini qazanıb. “APA-Sport” agentliyinin məlumatına görə, V.Borisovun komandası ölkə çempionatının son turu çərçivəsində “Lipetsk”lə ilk görüşdə 4:1 hesabı ilə qalib gəlib. Futzalçımız bu matçda fərqlənə bilməyib. Komandalar arasında bu gün keçiriləcək ikinci oyunla Rusiyada futzal çempionatının cari mövsümünə yekun vurulacaq.
Qeyd edək ki, 47 oyundan sonra hesabında 70 xal olan “Dina” turnir cədvəlində 13 komanda arasında 6-cı yerdə gedir.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək