Bakı. Kənan Həsənov - APA-Sport. Azərbaycan bilyardçıları iyunun 28-də Latviyanın paytaxtı Riqada start götürəcək “United Oils Cup” beynəlxalq turnirinə dəvət alıblar. Bu haqda “APA-Sport” agentliyinə Bilyard İdmanı Federasiyasının prezidenti İlham Aslanov məlumat verib. Onun sözlərinə görə, yarışda milli komandanın üzvləri Azər Hacıyevlə Rauf Mustafayev iştirak edəcəklər. Turnirin mükafat fondu 30000 ABŞ dolları həcmində müəyyənləşdirilib. 48 bilyardçının qatılacağı və iyunun 29-da başa çatacaq yarışın qalibi 3000 dollar qazanacaq.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək