Bakı. Kənan Həsənov - APA-Sport. Gürcüstanın Batumi şəhərində təşkil olunan 8 yaşadək oğlan və qız şahmatçılar arasında Avropa çempionatında V turun oyunları keçirilib. “APA-Sport” agentliyinin məlumatına görə, oğlanların yarışında hesabında 4 xal olan Şəmşəd Axundov liderlər qrupundakı mövqeyini qoruyub. Çingiz Məhərrəmli 3,5, Abdulla Qədimli 3 xal toplayıb. Qızların birinciliyində ardıcıl beşinci qələbəsini qazanan Günay Məmmədzadə liderliyini daha da möhkəmləndirib. Həmyerlimiz ən yaxın izləyicisini 1 xal qabaqlayır. Digər təmsilçimiz Xanım Balacayevanın isə hesabında 3,5 xal var. İsveçrə sistemi ilə keçirilən və 9 turdan ibarət olan yarış iyunun 14-də başa çatacaq.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək