Bakı. Aqşin Əliyev - APA-Sport. Almaniyanın Sühl şəhərində keçirilən stend atıcılığı üzrə Dünya Kuboku başa çatmaq üzrədir. “APA-Sport” agentliyinin məlumatına görə, yarışda Azərbaycanın şərəfini iki idmançı Zemfira Meftahəddinova və Emin Cəfərov qoruyur. Həmyerlilərimizdən öncə Z.Meftahəddinova mübarizəyə qoşulub. Sidney Yay Olimpiya Oyunlarının qalibi təsnifat mərhələsində 75 atəş açaraq, 65 xal toplayıb. Nəticədə stend atıcımız 36 nəfər arasında 16-cı yeri tutub. Final mərhələsinə adlamaq üçün onun 4 xalı çatmayıb. Z.Meftahəddinova ilk “altılığ”a düşə bilmədiyindən mübarizəni erkən dayandırıb. Dünya Kubokunda qızıl medala italiyalı Diana Bakosi (72+23 xal) sahib çıxıb. Bu gün digər təmsilçimiz Emin Cəfərov qüvvəsini sınayacaq. Kişilərin turnirindən dərhal sonra Dünya Kubokuna yekun vurulacaq.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib