Bazel. Elşən Məmmədov – APA-Sport. Avropa çempionatında Türkiyə və İsveçrə milli komandaları arasında keçirilən oyunun ən yaxşı futbolçusu Arda Turan seçilib. “APA-Sport” agentliyinin məlumatına görə, 21 yaşlı sol cinah yarımmüdafiəçisi qitə birinciliyində debüt etdiyi görüşün qəhrəmanı olub. A.Turan hesab 1:1 ikən matçın əsas vaxtına əlavə olunmuş ikinci dəqiqədə komandasının qələbə topunu vurub. O, İsveçrə yığmasının cərimə meydançası yaxınlığından gözəl zərbə ilə topu Dieqo Benalyonun qoruduğu qapıdan keçirib. Bununla da “Qalatasaray”da çıxış edən futbolçu “ay-ulduzlular”a 2:1 hesablı qələbə qazandırmaqla yanaşı, təşkilatçı ölkə təmsilçisini ¼ final şanslarından məhrum edib.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib