Bakı. Mehman Süleymanov - APA-Sport. “Bu, əla hisslərdir. Futbolçular özlərinə inam hissinin artırmasına kömək edən qələbəni əldə etdilər. Mən onları əla oyun münasibətilə təbrik edirəm”. “APA-Sport” agentliyinin məlumatına görə, bu fikirləri Türkiyə yığmasının baş məşqçisi Fatih Terim Avropa çempionatının final mərhələsində qazandığı qələbədən sonra deyib. Yarışın təşkilatçılarından olan İsveçrəni məğlub edən türkiyəli mütəxəssis turnirin komandası üçün yeni başladığını bildirib: “Ən vacibi odur ki, ¼ finala çıxmaq uğrunda mübarizəni davam etdiririk. İsveçrəni məğlub etmək çətin olduğundan, qələbə həm bizə, həm də azarkeşlər üçün vacib idi. Bu üç xal qrupda son oyun öncəsi bizə böyük ümid verir. Açığı, yağışın bizə kömək edəcəyini düşünürdük. Ancaq göydən belə güclü yağış yağdığını təsəvvür edə bilməzdik. Allaha dua edirdim ki, yağış kəssin”.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək