Bakı. Vüqar Xeyrullayev - APA-Sport. “Baş nazir olduğumdan sakit olmağa, əsəblərimi cilovlamağa borcluyam. Lakin özümü saxlaya bilməyib hakimi öldürmək istəyirdim”. “APA-Sport” agentliyinin məlumatına görə, bu sözləri Polşanın baş naziri Donald Task deyib. Baş nazir bildirib ki, Avstriya və İsveçrədə keçirilən Avropa çempionatının ikinci turunda baş verən hadisələr onu özündən çıxarıb. D.Task Avstriya – Polşa oyununda meydan sahiblərini xeyrinə penalti təyin edən ingiltərəli hakim Hovard Uebbi günahkar sayıb: “Hakimlər hərdən dəhşətli səhvlər buraxır. Bu da onlardan biri idi. Bu səhv bizi şoka saldı. Matçın 93-cü dəqiqəsində hakim səhvindən qol buraxmaqdansa, rəqibimizin ilk yarıdakı imkanların birindən istifadə etməsi yaxşı olardı”.

• Azərbaycan idmançıları Gimnaziada üçün yola düşdü
• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib