Bakı. Vüqar Xeyrullayev-APA-Sport. “Vitali Borisov çox yaxşı ustalıq səviyyəsinə malikdir. Zərif və ağıllıdır, ümid edirəm ki, onun gələcəkdə də “Dina”da çıxış etməsini həll edəcəyik”. “APA-Sport” agentliyinin məlumatına görə, bu sözləri Rusiyanın “Dina” futzal klubunun prezidenti Sergey Kozlov deyib. Mövsümün yekunları ilə bağlı müsahibəsində klub rəsmisi ayrı-ayrı oyunçular haqda fikir bildirib: “Vitali icarə əsasında komandamızda çıxış edirdi və indi müqaviləsi bitib. Onun Azərbaycandakı klubu ilə danışıqlar aparırıq. Fikrimcə, Borisov “Dina”nın lideri olmaq iqtidarındadır. Onun məhsuldarlığını da nəzərə alsaq həm lider, həm bombardir keyfiyyətlərinə bel bağlayırıq. Axı neçə vaxtdır Azərbaycan yığmasının kapitanı və lideridir. Onun klubda da bu bacarığını üzə çıxaracağına ümid edirik”.
Klub prezidenti Azərbaycan yığmasının baş məşqçisi Andrey Yudinlə yollarını ayırmalarını da izah edib: “Mən onun komandada qalmasını istəyirdim. Amma komanda uğursuzluq zolağına düşüb. Belə olan halda, ya oyunçuları, ya da məşqçini dəyişməliyik. Biz onu Azərbaycan Futzal Federasiyasının xahişi ilə bu ölkənin milli komandasına göndərdik ki, orada 5 ay keçirdi. Onun ezamiyyətinin nəticəsi kimi, uzun müddətdir əlaqədə olduğumuz İspaniyanın “Bumeranq İntervyu” klubunda iki həftəlik təcrübə keçməsi olub. İndi o sıralarımıza yeni güc, emosiya, biliklərlə qayıdıb ki, bütün bunlar klubumuzun xeyrinədir”.

• Azərbaycan idmançıları Gimnaziada üçün yola düşdü
• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib