“APA-Sport” agentliyinin məlumatına görə, bu sözləri Yunanıstan milli komandasının baş məşqçisi Otto Rehagel deyib. Avstriya və İsveçrədə keçirilən Avropa çempionatında Rusiyaya 0:1 hesablı məğlubiyyətdən sonra almaniyalı çalışdırıcı bir qola ümid etdiyini etiraf edib: “Təəssüflər olsun ki, biz əlimizə düşən qol imkanlarından istifadə edə bilmədik. Mən həmişə Yunanıstan yığmasının çox qol vuran komanda olmadığını demişəm. Mən ümid edirdim ki, rəqibin qapısına bir qol vuracağıq. Lakin bu, baş vermədi. Rəqib isə çox çətin vəziyyətdə qol vurdu. Ancaq biz nəticədən razı qalmalıyıq. Çünki yüksək səviyyəli, inanılmaz dərəcədə sürətli və etibarlı komandaya uduzduq. Biz bu turnirdə daha yaxşı çıxış etməyə ümid edirdik”. Hollandiyalı mütəxəssis Quus Hiddink isə yetirmələrindən razı qalıb: “Hər kəs meydanda nəticə üçün mübarizə apardı. Müasir futbolda sərt olmalı və heç kimə şans verməməlisən. Rusiyalı futbolçuların hadisələrin axarındakı dəyişikliklərə çox tez reaksiya verə bilmələrinə sevinirəm”.

• Azərbaycan idmançıları Gimnaziada üçün yola düşdü
• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib