Bakı. Aqşin Əliyev - APA-Sport. Yunanıstanın paytaxtı Afinada kişi və qadınlar arasında keçirilən beynəlxalq cüdo turnirinə yekun vurulub. “APA-Sport” agentliyinin məlumatına görə, yarışda Azərbaycanın şərəfini 6 idmançı qoruyub. Böyüklər arasında təşkil olunmasına baxmayaraq, turnirdə ölkəmizi gənclərin təmsil etməsi məqsədəuyğun sayılıb. İkigünlük mübarizənin yekununda məşqçi Fərhad Məmmədovun yetirmələrindən dördü fəxri kürsüyə yüksəlib. Rasim Əsədullayev (60 kq) və Ramin Qurbanov (81 kq) bütün rəqiblərinə qalib gələrək, qızıl medallara layıq görülüblər. Ötən il yeniyetmələr arasında Avropa çempionu olmuş Sərxan Əhmədov (66 kq) beynəlxalq turnirdə 3-cü yeri tutub. Həmçinin, 90 kq çəki dərəcəsində qüvvəsini sınmayan Elmar Qasımov da bürünc medal qazanıb. Cüdoçularımız yarışdan sonra beynəlxalq təlim-məşq toplanışına qatılıblar.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib