Bakı. Kənan Həsənov - APA-Sport. Şotlandiyada kişi basketbolçular arasında Avropa çempionatının C divizionunun oyunları start götürüb. “APA-Sport” agentliyinin məlumatına görə, A qrupunda yer alan Azərbaycan milli komandası ilk görüşünü qələbə ilə başa vurub. Elxan Əliyevin başçılıq etdiyi yığmamız Cəbəllüttariqi məğlub edib - 96:61. Bu gün San-Marino ilə qarşılaşacaq komandamızın ən məhsuldar oyunçusu 24 xal toplayan kapitan Tahir Baxşıyev olub. Qrupda keçirilən digər qarşılaşmada Moldova yığması San-Marinoya qalib gəlib - 85:64. B qrupunda baş tutan görüşlərdə Şotlandiya Maltanı 58:48, Andorra Uelsi 78:52 hesabı ilə məğlub edib.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib