Bakı. Aqşin Əliyev - APA-Sport. Azərbaycanın 16 yaşadək eşitmə qüsurlu futzalçılardan ibarət milli komandası Slovakiyanın Preşov şəhərində keçiriləcək beynəlxalq turnirdə mübarizə aparacaq. Azərbaycan Əlillər Futbolu Federasiyasının mətbuat xidmətindən “APA-Sport” agentliyinə verilən məlumata görə, yığmamız iyunun 21-də səfərə yollanacaq. Ertəsi gün start götürəcək yarışda 16 kollektiv qüvvəsini sınayacaq. Turnirə Avropanın 11, Afrikanın 3, Asiyanın isə 2 komandası dəvət alıb. Elşad İbrahimovun rəhbərlik etdiyi yığmamızın rəqibləri iyunun 22-də müəyyənləşəcək. Həmin gün turnirin təşkilat komitəsində püşk atılaraq, iştirakçılar hərəsində 4 komanda olmaqla, 4 qrupa bölünəcək. Qrup mərhələsində ilk iki yeri tutanlar 1/4 finala vəsiqə qazanacaqlar. Yarış iyunun 29-da başa çatacaq.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək