Vyana. Elşən Məmmədov - APA-Sport. Xorvatiya milli komandasının baş məşqçisi Slaven Biliç iyunun 20-də Türkiyə ilə keçirəcəkləri ¼ final matçı öncəsi bir sıra ciddi tədbirlərə əl atıb. “APA-Sport” agentliyinin məlumatına görə, 39 yaşlı mütəxəssis yığmanın məşq bazasında yetirmələri ilə birgə həyat yoldaşları və sevgililərinin qalmasına qadağa qoyub. Qadınlar bazadan Avstriyanın paytaxtı Vyananın mərkəzinə göndəriliblər. Onlar Xorvatiya - Türkiyə matçı başa çatmayanadək sevimli futbolçularını görə bilməyəcəklər. S.Biliç komandasına Türkiyə millisinin Çexiya ilə A qrupunda keçirdiyi həlledici oyunun yalnız son 15 dəqiqəlik bölümünü izlətdirib. O, “ay-ulduzlular”ın 0:2 hesabı ilə geridə olduqları vaxt üç qol vurmasına diqqət çəkib. Gənc mütəxəssis yetirmələrindən hesabda önə keçdikləri halda oyun nizam-intizamını itirməmələrini istəyib.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib