İnsbruk. Elşən Məmmədov - APA-Sport. İsveç milli komandasının futbolçusu Niklas Aleksandersson yığma karyerasını başa vurub. «APA-Sport» agentliyinin məlumatına görə, 37 yaşlı müdafiəçi Avropa çempionatının qrup mərhələsində Rusiya yığmasına 0:2 hesablı məğlubiyyətdən sonra belə qərara gəlib. N.Aleksandersson qərarını gənclərə yol vermək istəyi ilə izah edib.
İsveç millisində 109 oyun keçirən təcrübəli futbolçu 2008-ci il Avropa çempionatında yalnız Yunanıstan üzərində 2:0 hesablı qələbə qazandıqları matçda meydana çıxıb. Lakin həmin görüşdə aldığı zədə N.Aleksanderssonun növbəti qarşılaşmalarda iştirakına imkan verməyib.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib