Bakı. Kənan Həsənov - APA-Sport. Beynəlxalq Qılıncoynatma Federasiyası yeni reytinq cədvəlini açıqlayıb. “APA-Sport” agentliyinin məlumatına görə, siyahıda yer alan Azərbaycanın sablya üzrə milli komandasının dörd üzvündən üçünün mövqeyində dəyişiklik qeydə alınıb. Yığmamızın rusiyalı legioneri Janna Muradqızı (18 xal) 93-cü pillədəki mövqeyini qoruyub. Bir pillə geriləyən Səbinə Əmrahzadə (16 xal) 105-ci, iki pillə geriləyən Sevil Bünyatova (6 xal) 171-ci sırada qərarlaşıb. Siyahıdakı sonuncu təmsilçimiz Aidə Ələsgərova (4 xal) isə altı pillə geriləyərək 193-cü olub. Milli komandamızın mövqeyində isə dəyişiklik qeydə alınmayıb. Hesabında 107 xal olan yığmamız 33 komandanın sıralamasında 15-cidir.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib