Bakı. Mehman Süleymanov - APA-Sport. “Portuqaliya yığması ilə görüşdə komandamın yanında ola bilmədim və çox uzaqda oturmuşdum. Şüşə arxasında dayanmaq çox pisdir”. “APA-Sport” agentliyinin məlumatına görə, bu fikirləri Almaniya milli komandasının baş məşqçisi Yoahim Löv deyib. Almaniyalı çalışdırıcısı cəzalı olduğu üçün texniki zonada yer ala bilməməyini problem sayıb: “Əlbəttə, hündürdən baxmaq yaxşıdır. Ancaq məsafə dəhşətdir. Əla matç izlədim və futbolçulardan çox uzaq olmağım məni özümdən çıxarırdı. Avstriya və Xorvatiya yığmalarına qarşı çox pis oynadıq. Belə məzmunsuz oyunlardan sonra bir şey aydın idi ki, nəsə dəyişiklik etməliyik. Biz rəqibə meydanda boş sahə vermədik və müdafiədən hücuma tez keçirdik. Artıq biz bunu öyrənmişik və məhz buna görə də qələbə qazandıq”.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib