Türkiyənin İzmir şəhərində yeniyetmələr arasında yunan-Roma və sərbəst güləş üzrə sayca 12-ci beynəlxalq «Zəfər Turniri» davam edir. Apasport.az saytının məlumatına görə, 17 ölkədən 400-ə yaxın idmançının iştirak etdiyi yarışın 2-ci günü Azərbaycan yığma komandaları üçün daha 3 medalla yadda qalıb.

Sərbəst növdə 76 kq çəki dərəcəsində çıxış edən Orxan Şərifov finaladək irəliləyib, amma həlledici görüşdə rusiyalı Kantemir Kvantova uduzaraq 2-ci yeri tutub. Yunan-roma növünə gəlincə, 46 kq-da Emin Novruzov, 76 kq-da isə Fuad Əliyev bürünc medal qazanıblar.

Qeyd edək ki, yarışın ilk günü pəhləvanlarımız 2 qızıl, 3 bürüncə sahib çıxıblar.

Turnirin son günü daha 7 idmançımız medallar uğrunda mübarizə aparacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”