Azərbaycan şahmat yığmasının lideri Teymur Rəcəbov Rumıniyanın Bazna şəhərində keçirilən “Kings Tournament” beynəlxalq turnirində ilk qələbəsini qazanıb. Apasport.az saytının məlumatına görə, 22 yaşlı həmyerlimiz VII turda ABŞ təmsilçisi Qata Kamskini üstələyib.

Ağ fiqurlarla oynayan Rəcəbov rəqibini 49-cu gedişdə “ağ bayraq” qaldırmağa məcbur edib. Bununla da, ardıcıl 6 heç-heçədən sonra ilk qələbəsini rəsmiləşdirən Teymur xallarını 4-ə çatdırıb. Yarışın başa çatmasına 3 tur qalmış şahmatçımız 3-cü pillədə qərarlaşıb.

Bu gün Teymur ispaniyalı Aleksey Şirovla qarşılaşacaq.

VII tur
Teymur Rəcəbov (Azərbaycan, 2756) - Qata Kamski (ABŞ, 2720) - 1:0
Vasili İvançuk (Ukrayna, 2746) - Aleksey Şirov (İspaniya, 2745) - 1:0
Liviu-Diter Nisipyanu (Rumıniya, 2675) - Boris Qelfand (İsrail, 2733) - 0,5:0,5

1.İvançuk 5,5 xal; 2.Qelfand 4,5; 3.Rəcəbov 4; 4.Şirov 3,5; 5.Nisipyanu 2; 6.Kamski 1,5

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”