“Milli komandamıza kimin baş məşqçi təyin olunmasının mənim üçün fərqi yoxdur. Çünki mən idmançıyam, məşqimi edib, yarışa hazırlaşmalı, yaxşı nəticələr göstərməliyəm”. Bu sözləri apasport.az saytına açıqlamasında Azərbaycan ən titullu ağırlıqqaldıranı, yığmamızın lideri Nizami Paşayev deyib.

O, milli komandada baş məşqçi vəzifəsinə Vahid Nəzərovun əvəzinə bolqarıstanlı Yanko Rusevin gətirilməsinə münasibət bildirmək istəməyib: “Bu haqda danışmaq istəmirəm. Danışıram, axırda pis oluram”.

Həmçinin, yeniyetmələrdən ibarət yığmamızı çalışdıran Paşayev vurğulayıb ki, rəhbərlik etdiyi kollektivi qarşıdakı yarışa hazırlaşdırır: “Sentyabrda İsraildə yeniyetmələr arasında Avropa çempionatı keçiriləcək. Həmin yarışda tam heyətlə - 8 atletlə iştirak edəcəyik. Bu, dünya çempionatından sonra mənim rəhbərliyim altında yığmanın mübarizə aparacağı ikinci yarış olacaq”.

Xatırladaq ki, Nizami Paşayev ikiqat dünya çempionu titulunu qazanmış yeganə azərbaycanlıdır.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”