Serbiyalı üzgüçü Nadya Xiql atasını gülünc vəziyyətə qoyub. Apasport.az saytının məlumatına görə, Draqan Xiql qızının İtaliyanın paytaxtı Romada keçirilmiş dünya çempionatında göstərdiyi nəticəni başının keçəl hissəsinə həkk etdirib.

O, hələ yarışlar ərəfəsində Nadyanın brass üsulu ilə 200 metr məsafəni 2 dəqiqə 22 saniyədən tez üzəcəyi halda, həmin göstəricini başına tatuirovka etdirəcəyinə söz vermişdi. Hadisələrin gedişatı elə gətirib ki, sarışın idmançı 200 metri 2 dəqiqə 21 saniyə 62 mikrosaniyəyə üzərək, dünya çempionu olub və Avropa rekordu müəyyənləşdirib. Bununla da, Nadya dünya çempionu titulunu qazanan ilk serbiyalı kimi tarixə düşüb.

Serbiyaya qayıtdıqdan sonra isə növbə qızın atasına çatıb. Üzgüçü atasına vədini xatırlayıb və Draqan tatuirovka etdirməkdən boyun qaçırmayıb. İndi onun başının tükü tökülmüş nahiyəsində 2.21.62 rəqəmləri açıq-aşkar görünür.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”